"Bakcell" jurnalistlər üçün “Mobil telekommunikasiyaya" mövzusunda seminar təşkil edib

"Bakcell" jurnalistlər üçün “Mobil telekommunikasiyaya" mövzusunda seminar təşkil edib
01 Dec 2014 11:30 | Baxılıb: 570

"Bakcell" jurnalistlər üçün “Mobil telekommunikasiyaya" mövzusunda seminar təşkil edib

Azərbaycanın ilk mobil operatoru və aparıcı mobil internet provayderi "Bakcell" şirkəti jurnalistlər üçün “Mobil telekommunikasiyaya giriş” adlı seminar təşkil edib.
 
Seminarın məqsədi ümumilikdə informasiya-kommunikasiya texnologiyaları və mobil telekommunikasiya, mobil telekommunikasiyanın bügünü və gələcəyi, İnternet təhlükəsizliyi, abunəçilərin mobil operatorlardan gözləntiləri və s. haqqında jurnalistlərin məlumatlılığını artırmaq olub.
 
28-29 noyabr tarixlərində Qusar rayonunda “Şahdağ Pik Palace” hotelində keçirilən tədbirdə Bakcell-in baş müştəri xidmətləri direktoru Selda Kokmaz Bostancıoğlu abunəçinin öz mobil rabitə təchizatçısından gözləntiləri, yeni texnologiyalar və keyfiyyətin qiymətləndirilməsi departamentinin rəhbəri Roman İqnatenko mobil telekommunikasiyanın bügünü və inkişaf perspektivləri, əlavə xidmətlər bölməsinin rəhbəri Gürel Aktaş mobil kommukasiyada geniş yayılmış əlavə xidmətlərin əhəmiyyəti, yeni məhsulların inkişafı bölməsinin rəhbəri Cəlil Xəlilov mobil imza və mobil tətbiqetmələr və Qafqaz Universitetinin kompüter mühəndisliyi bölməsi müdiri Abzetdin Adamov "İnternetdə təhlükəsizlik və şəxsi məlumatları qorumaq üçün tövsiyələr. Kiber Gigiyena." haqqında faydalı təqdimatlar ediblər.
 
Seminar iştirakçıları “Bakcell” tərəfindən Şahdağ ərazisində yerləşən oteldə quraşdırılan və burada mobil rabitəni təmin edən binadaxili avadanlığın yerləşdiyi əraziyə baş çəkib, qurğunun iş prinsipi ilə tanış olublar. "Bakcell" son illər ərzində istər paytaxtda, istərsə də respublikanın ən ucqar bölgələrində yerləşən böyük binalarda bu cür binadaxili həllər quraşdırıb.
 
Həmçinin seminarın keçirildiyi müddət ərzində "Bakcell" Şahdağ ərazisinə mobil (daşına bilən) baza stansiyası gətirib və bu qurğu jurnalistlərə nümayiş etdirilib. Şirkətin xüsusi avtomobillər üzərində daşınan mobil baza stansiyalarını istənilən nöqtədə qurmaq və keyfiyyətli mobil rabitə xidmətindən istifadə etmək mümkündür.
 
Bakcell-in korporativ kommunikasiya bölməsinin rəhbəri Süheylə Cəfərova bildirib: "Biz seminarda təqdim etdiyimiz hər bir mövzunu mətbuatın gündəlik təhlilinə və diqqət mərkəzində olan aktual mözvulara əsasən seçdik. Bu, çox uğurlu bir model oldu və jurnalistlər tərəfindən böyük maraqla qarşılandı. Bu formatda seminarlar mütəmadi olaraq olaraq jurnalistlər, tələbələr və s. üçün təşkil olunacaq".
 
 

Son yeniliklər


Kompüter Mühəndisliyinin 4 tələbəsi Azercell-in Təqaüdçüs...

Qafqaz Universiteti Kompüter Mühəndisliyi bölməsinin 4 tələbəsi (Hikmət Cəfərli, Rəsul Kərimov, ətraflı oxu »

Qafqaz Universitetinin tələbələri NetWork Training Center...

Dekabrın 19-da NetWork Training Center-in təşkilatçılığı və Azərbaycan Tələbə Gənclər Təşkilatları İttifaqı və Ed ətraflı oxu »

Qafqaz Universiteti Kompüter və İnformasiya Texnologiyala...

16 dekabr 2016-ci il tarixində Rabitə və Yüksək Texnologiyalar Nazirliyində rabitə və informasiya texnologiyaları s ətraflı oxu »

Azərbaycan komandaları 41-ci ACM ICPC 2016-2017 NEERC Təl...

Azərbaycan komandaları 41-ci ACM ICPC 2016-2017 NEERC Tələbələrin Beynəlxalq Proqramlaşdırma Müsabiqəsinin yarımfin ətraflı oxu »